Il-gwida għandha l-għan li tgħin lill-persunal u t-trainees ġodda b'diżabbiltajiet biex jissetiljaw fi Brussell billi tipprovdi xi pariri utli relatati mal-akkomodazzjoni, it-trasport u l-attivitajiet ta’ divertiment.
2018, 12 pages, Kotba b'qoxra ratba
Dan ir-rapport jiddeskrivi fid-dettall il-ħidma tal-Kunsill Ewropew, fejn jiltaqgħu il-mexxejja tal-Unjoni Ewropea, imwettqa bejn Mejju 2016 u Ġunju 2018. Juri kif inżammet u ssaħħet l-għaqda politika tal-Unjoni minkejja bosta theddid u sfidi: pressjonijiet migratorji bla preċedent, tibdil ġeopolitiku, theddid terroristiku persistenti, perspettiva ekonomika inċerta u d-deċiżjoni tal-votanti Brittaniċi li jitilqu.
2018, 87 pages, Kotba b'qoxra ratba
Din il-gwida tagħtik suġġerimenti prattiċi dwar kif tikkomunika b'mod li jinkludi lil kulħadd u li jevita l-istereotipi.
2018, 14 pages, Kotba b'qoxra ratba
Dan il-ktieb elettroniku aġġornat fih kemm strumenti legali kif ukoll kummenti minn akkademiċi ta' prestiġju, imħallfin u uffiċjali minn diversi stati membri tal-UE. Minbarra xi atti legali bażiċi bħalma huma Brussell I u l-Konvenzjoni ta' Lugano, l-oqsma u s-suġġetti koperti jinkludu l-liġi kummerċjali, il-liġi kuntrattwali, il-liġi tal-familja u l-kisba ta' provi. Din l-edizzjoni aġġornata tinkludi wkoll kapitolu ġdid dwar il-proċedura tal-ordni tal-preservazzjoni tal-kontijiet, u kapitolu rivedut bir-reqqa dwar proċedimenti ta’ insolvenza. Il-ktieb elettroniku huwa għodda siewja għall-prattikanti legali, l-awtoritajiet nazzjonali, l-istudenti tal-liġi u ċ-ċittadini li għandhom interess fil-liġi ċivili Ewropea, kollox fil-format prattiku ta’ ktieb elettroniku.
2017, 0 pages, Kotba elettroniċi
Din il-pubblikazzjoni fiha l-verżjoni - aġġornata - konsolidata tat-Trattat li jistabbilixxi l-Komunità Ewropea tal-Enerġija Atomika, inklużi annessi u protokolli. Tinkorpora l-emendi li saru permezz tat-Trattat ta’ Lisbona, li daħal fis-seħħ fl-1 ta’ Diċembru 2009.
2016, 112 pages, Kotba b'qoxra ratba
Din il-pubblikazzjoni fiha l-verżjonijiet konsolidati tat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, kif jirriżultaw mill-emendi introdotti permezz tat-Trattat ta' Lisbona. Tinkludi wkoll emendi li saru għat-trattati wara d-dħul fis-seħħ tagħhom, bħad-dispożizzjonijiet dwar il-Mekkaniżmu Ewropew ta’ Stabbiltà, il-Qorti tal-Ġustizzja, kif ukoll l-emendi minħabba l-adeżjoni tal-Kroazja. Il-pubblikazzjoni fiha wkoll il-Karta tad-Drittijiet Fundamentali tal-Unjoni Ewropea.
2016, 412 pages, Kotba b'qoxra ratba
Dan il-manwal jispjega dak kollu li trid tkun taf dwar il-proċedura leġislattiva ordinarja l-ġdida u jistabbilixxi r-rwoli rispettivi tal-Presidenza u s-Segretarjat Ġenerali tal-Kunsill. Jiddeskrivi l-istadji differenti tal-proċedura: it-tliet stadji ta' qari, il-proċedura ta' konċiljazzjoni u t-trilogi. Fih ukoll lista ta’ bażijiet legali rilevanti, tabelli li jippreżentaw l-istadji f’forma grafika, u l-iskadenzi.
2016, 48 pages, Kotba b'qoxra ratba
Mill-1 ta' Diċembru sat-30 ta' April 2016, il-Kunsill Ewropew ħabbat wiċċu ma' sfidi politiċi kritiċi. Fost dawn kien hemm flussi mingħajr preċedent ta' persuni jfittxu l-asil u migranti irregolari, il-ħtieġa li tinstab soluzzjoni ġdida għall-Greċja fir-rigward tal-ġejjieni tagħha bħala membru tal-euro, u għar-Renju Unit qabel referendum “ġewwa jew barra” dwar is-sħubija fl-UE. Il-mexxejja Ewropej kellhom iwieġbu wkoll għal theddid serju kontra s-sigurtà, kemm intern kif ukoll estern. Il-President Donald Tusk jagħti ħarsa ġenerali lejn il-ħidma tal-Kunsill Ewropew matul dan il-perjodu u r-rapport jagħti lista tad-deċiżjonijiet u d-dikjarazzjonijiet l-aktar importanti.
2016, 82 pages, Kotba b'qoxra ratba
Minn Pariġi sa Lisbona, l-Unjoni Ewropea mxiet sew 'il quddiem minn meta s-sitt membri fundaturi poġġew il-pedamenti tal-unjoni kif nafuha llum, komunità ekonomika u politika li tinkludi kważi 509 miljun resident fi 28 stat membru. Dan il-kartellun juri l-istadji ewlenin tal-integrazzjoni Ewropea bi kronoloġija tat-trattati prinċipali u t-trattati ta' adeżjoni. It-trattati, il-pedament tal-Unjoni Ewropea, huma riflessjoni ta’ kif l-istati membri rreaġixxew għal sfidi interni u esterni ġodda. Huma jittraċċaw l-iżvilupp ta’ unjoni ta' popli u stati ggwidati mill-istat tad-dritt.
2016, 1 pages, Kartelluni
L-UE u l-istati membri tagħha jippruvaw isalvaw il-ħajjiet u jtaffu t-tbatija umana kkawżata minn konflitti, diżastri naturali u sitwazzjonijiet oħra ta' kriżi. Il-fuljett jippreżenta l-fatti ewlenin dwar l-assistenza umanitarja pprovduta mill-pajjiżi tal-UE, b'attenzjoni speċjali fuq ir-refuġjati tal-gwerra tas-Sirja u l-persuni milqutin mill-Ebola. Il-fuljett jispjega wkoll il-prinċipji umanitarji li fuqhom hija bbażata l-assistenza, kif ukoll ir-rwol tal-Grupp ta’ Ħidma tal-Kunsill dwar Għajnuna Umanitarja u Għajnuna Alimentari.
2015, 6 pages, Kotba b'qoxra ratba
Disponibbli wkoll fil-format PDF fil-lingwi mhux tal-UE li ġejjin
Il-ktejjeb tal-Kunsill, Politika Barranija - Termini ewlenin b'24 lingwa joffri glossarju tal-aktar espressjonijiet komuni użati fil-Politika Estera u ta' Sigurtà Komuni tal-UE, il-PESK. Dan jelenka l-kliem tekniku - bid-definizzjonijiet bl-Ingliż - li tiltaqa’ magħhom fid-dokumenti dwar is-suġġett. Il-ktejjeb għandu l-għan li jżid l-għarfien tal-ħidma relatata mal-azzjoni esterna tal-Unjoni.
2014, 79 pages, Kotba b'qoxra ratba
Il-kollezzjoni fiha kemm strumenti legali kif ukoll kummenti minn akkademiċi, imħallfin u uffiċjali għolja bi profil għoli minn diversi Stati Membri tal-UE. Minbarra xi atti legali bażiċi bħal Brussell I u l-Konvenzjoni ta' Lugano, l-oqsma u s-suġġetti koperti jinkludu, pereżempju, il-liġi kummerċjali, id-dritt kuntrattwali, il-liġi tal-familja u l-ġbir ta' evidenza. - Liġi ċivili - Kooperazzjoni Ġudizzjarja Ewropea toffri għodda utli għall-imħallfin u prattikanti legali oħra, l-awtoritajiet nazzjonali, studenti tal-liġi u ċ-ċittadini b'interess fil-liġi ċivili Ewropea, fil-format ta' ktieb elettroniku prattiku.
2013, 0 pages, Kotba elettroniċi
Din il-gwida tkopri l-użu tat-tagħmir ta' vidjokonferenzjar fi proċedimenti ġudizzjarji transfruntiera fl-Unjoni Ewropea. Hija tiddiskuti l-aspetti organizzattivi, tekniċi u legali tal-użu tat-teknoloġija tal-vidjokonferenzjar u fiha pariri u gwida għal professjonisti legali, skrivani tal-qrati u persunal tekniku.
2013, 38 pages, Kotba elettroniċi