Comhairle an Aontais Eorpaigh

Is ag Éirinn atá uachtaránacht na Comhairle faoi láthair agus beidh an cúram sin uirthi go dtí an 31 Nollaig 2026. Is é seo an t-ochtú huachtaránacht aici. I bpáirt léi ar an bhfoireann trí Uachtaránacht an uair seo tá an Liotuáin agus an Ghréig. Is é an buanphrionsabal ‘ní neart go cur le chéile’ a bheidh mar threoir ag Uachtaránacht na hÉireann.

• Suíomh gréasáin na huachtaránachta

• Riar na hoibre sa Chomhairle

Pléitear gach mír sna comhlachtaí ullmhúcháin (na meithleacha agus Coreper) sula ndéanfaidh na hairí cinneadh ina leith.

• Ról na Comhairle i gcinnteoireacht an Aontais

Is comhreachtóirí iad an Chomhairle agus Parlaimint na hEorpa i bhformhór réimsí beartais an Aontais. Glacfaidh an Chomhairle cinntí freisin chun seasaimh pholaitiúla a chur in iúl.

• Córas vótála na Comhairle

Baineann an Chomhairle úsáid as ceann de thrí chineál éagsúla córais vótála: an tromlach cáilithe, an tromlach simplí agus an aontoilíocht. An tromlach cáilithe a úsáidtear den chuid is mó.

• Uachtaránacht na Comhairle

Is í uachtaránacht na Comhairle a leagfaidh amach an clár oibre agus a chuirfidh obair na Comhairle chun cinn. Bíonn uachtaránacht na Comhairle ar a seal féin ag gach Ballstát.

Tionóltar breis agus 4 000 cruinniú ar an meán gach bliain ar leibhéil éagsúla na Comhairle. Cruinnithe aireachta thart ar 70 go 80 díobh. Is sa Bhruiséil, den chuid is mó, a thionóltar cruinnithe na Comhairle, seachas i mí an Aibreáin, mí an Mheithimh agus mí Dheireadh Fómhair nuair is i Lucsamburg a thionóltar iad.